التصنيف: خبرات ونصائح مطبخية

2 . حاولى بالاتفاق مع زوجك وطبقا للميزانيه بتاعتكم تخلى يوم كل اسبوع او حتي كل اسبوعين . اجازة ليكي من المطبخ . هاتو اكل من بره او اتفقي مع جوزك يدخل يطلع مواهبه في المطبخ في اليوم ده . بس انتي لازم تاخدي راحة من المطبخ عشان متكرهيهوش و عشان تدخليه وانتي نفسك مفتوحة اليوم اللي بعدوا (( الصفحة غير مسئولة عن الاثار النفسية و الجسدية جراء هذا الطلب ))

3 . لو صادف وجاتلك كمية كبيرة من الموز .. و خايفة تبوظ قبل ما تلحقوا تاكلوها او تستخدموها سواء في حلويات او سلطة الفاكهة . هاتى الموز و هاتى ورق الالومنيوم .. و غلفة كل موزاية بالورق ده و حطيها في طبق التقديم او سلة الفواكة . متحطيهاش في التلاجة

4 . لو الليمون عندك بيعفن او بيبوظ بسبب وجوده ايام طويلة في التلاجة .. لفيه بورق جرايد او ورق فويل و برضو سيبية في التلاجة هيعيش لوقت اطول من المعتاد

5 . بما اننا مقربين على العيد ابدئي من دلوقتي .. شيلى الستاير لو هتغسليها و اغسليها و اكويها و شيليها .. اعملى حملة غسيل شامل للمفارش و الملايات و الكوفيرتات كل يوم اغسلة حاجة ,, عشان عالعيد تحسي ان البيت كله نضيف .. كل يوم امسكى اوضة بدولاليبها ترويق و تنظيم .. لو مشيتي عالحاجات دي هتلاقي نفسك قبل العيد باسبوع مثلا شقتك نضيفة مش محتاجة غير المسح و انك تفرشيها و تعلقى الستاير النضيفة . و متبقيش مضغوطة و هلكانه على دخلة العيد .

6 . حاولى يبقي عندك شماعة في اي ركن او جمب متثبته في الحيطة عشان فوط المطبخ في شماعات بتبقي شيك جدا ورخيصة . هاتيها و خليها مخصصة لفوط المطبخ عشان تبقي دايما مفرودة و تنشف بسرعة ومتعملش زحمة ليكي