التصنيف: فضفضة وحل المشاكل

(000حكاية حب)مش عارفة ابدأ حكايتى منين أتجوزت عن قصة حب قويه وجوزى كان عندى كل دنيتى اتحملت ظروفة الصعبة عشان بحبةوعندنابنتين انا عندى 38سنة وهو اكبر منى ب6شهور احنادلوقتى بقالنا اتناشر سنة متجوزين واخد شهادة عالية بس بيصرف ادوية في صيدلية وانا مدرسة من مدة اربع سنين كان بيكلم واحدة على التليفون صيدلانية وبتحكيلة كل حاجةولما اكتشفت الحكاية قال ان دا مش حب دا مجرد كلام عادى المهم انتهى الموضوع على خير من مدة 5شهور ابتدى حكاية جديدةشكيت فية وحسيت بتغير واجهتة انكر ومن مدة اسبوع جانى وقالى انة عايز يعمل عمل انسانى وينقذ واحدة ويتجوزها هىا كدى وعادية ومطلقة ومعاها بنت وجاى ياخد رأى ولو موافقتش مش هيتجوز ولو وافقت هتعيش معايا قال اية ونحب بعضنا ويبقى هوا عمل خير انا عارفة كل اللى هتقولوة بس انا كل يوم بموت ايش ضمنى انة معملهاش واتجوزها رغم انة بيحلف انة محصلش وانى انا كل دنيتة لاكن انا خلاص ولا قادرة اسامحة ولا قادرة اتطلق علشان البنات انا كل لحظة بموت يا ريت تفيدونى جزاكم اللة كل خير

متوافقيش ومتتطلقيش واضح ان جوزك له هفوات لو تقدرى تتحملى على ما الهفوة تعدى اتحملى كمان واضح انك بتحبيه وباقيه عليه يعنى لو انفصلتى عنه مش حتعرفى تعيشى اصلا اصبرى شويه ومتوافقيش على جوزاه بالتانيه ولا تعلمى يمكن يفوق وينسى الموضوع

و الله مقدرتش اصوت لاني ما عرفت ايه المعمول
قصة تحير
ان شاء الله يفيدوكي

حبيبتى اعتبره مش موجود خالص وخالى بالك من اولادك ربنا معاكى ويحميكى لاانه الرجاله فى الزمان ده مالهمش امان خاليه بالك من نفسك

انا حاسة بيكى جدا ربنا معاكى وعليكى بالدعاء وانا مع راى لالفلانتينا انتى لو انفصلتى هاتتعذبى بحبك ليه ربنا يصبرك ولا توافقى على الزواج التانى لانه حتى مش هايفصل بينكك فى المعيشه يعنى هاتبقى حرب اهليه

بصي يا حبيبتى اولا طالما هو جالك وقالك دى فى حد زاتها حاجة كويسة واضح انة انسان واضح وصريح وانتى لازم ترفضى الجوازة دى وبلاش تقولي لاهلك دلوقت علشان الموضوع ميكبرش وخليكى هادية معاة علشان ممكن يعندكوحافظى على جوزك ومتخليش اى واحدة تخدة منك ربنا معاكى يل حبيبتى ربنا يهديلك الحال

انا متحمسه جداااا لان ده من احد اهدافى بس كيفية التسجيل من فضلك

انا نفسي بس مشكلتي اني خوافة اووووووي

لو وحده بس انا هشرح كل اللى خدتة فى دورتين
غير بتاعة المرور

[FONT=""][COLOR=""][SIZE=""]السلام عليكم ورحمة الله وبركاته
مشكلتى حساسه اوى ومش عارفة اتصرف خالص
والمشكلة الاكبر مش بس فى عدم الانجاب
لآ كمان زوجى معملته وحشه جداً وصعب الى ما تتخيلوا
وناشف اوى وانا بكره كده انا زى اى بنت بحب اوى المعاملة الرومانسية
بحبه يبقى هادى معايا مش كل ساعة مشكلة وخناقة من مافيش
ده حتى لما احب اصحيه بيقولى اخرجى بره من الاوضه
بعيط والله لو حبيت اقرب منه يقوله ابعدى عنى
بيحسسنى انى مرميه عليه
قولت خلاص انا هعمل زيه بالظبط
بعدنا عن بعض جامد جداً جداً حاسه اننا فى بيت واحد ومش بيجمعنا غير حاجه
واحده انتوا فاهمينها وكمان بتبقى دماغى فى مكان تانى مش معاه
مش قادر يوصل لاحساسى خالص ولما اتكلم معاه
يقولى انا كده ومش هتغير واذا كان عاجبك
طبعاً ده وضع مايرضيش حد
لكن انا استحملت على امل ييجى طفل واستحمل علشانة
لكن اتصدمت بأنه مش بيخلف بعد التحاليل والاشعة اللى عملها
كانت صدمة عمرى حتى عملية الاطفال الانابيب مستحيلة معاه
اقترحت عليه نكفل طفل يتيم
كان موافق لحد ما جت حماتى الله يسامحها وبعدها رفض
بيقولى على امل نخلف
انا تعبت اوى ومش قادرة استحمل العيشة معاه
لو فى بيبى هستحمل علشانة هضيع وقتى معاه
لكن مش عارفة اعيش معاه هو بس
لان طريقتة صعبة اوى
مافيش اى حد منكم يقدر يستحملها
كمان مامته فظيعة معايا كأنها بتكرهنى موت انى اتجوزته
بتعاملنى على انى اكبر واحده من زوجات عيالها
وللاسف انى اصغرهم سنن واحلاهم جمالاً
والله لو ينفع كنت خليتكم انتوا اللى تحكموا
بس للاسف لا هى مقدره ولا ابنها مقدر انى مستحمله الوضع المنيل ده
سورى للالفاظى بس بجد مش طايقة نفسى
بحلم باليوم اللى هطلق فيه تخيلوا وصلنى لايه
مع انى والله كتير بيصعب عليا
انا فى حيره ارجوكم انصحونى
وجزاكم الله خيراً على سعة صدركم[/SIZE][/COLOR][/FONT]

بصراحة الوضع عندك كتير صعب ومش عاوزة اطول عليكي وازهقك اكتر مانتى زققانة كل اللى هاقدر أقولك عليه انتى هاتقدرى تكملى عشرتك معاه ولا لأه ده بيتوقف عليكي انتى يعنى انتى اللى هتقدرى تحددي حجم المكاسب والخساير بالنسبة ليكي انتى ربنا ماأرادش ليكم الخلفة يعني ان كنتى شايفة استحالة عشرتك معاه يبقي أحسن ليكم الانفصال وتنفصلوا بهدوء ودون مشاكل أما لو شايفة انك حتستحملى معاملته وانك على أمل بانه ينصلح حاله وربنا يكرمكم ده اذا كان مانع الانجاب مؤقت ويمكن علاجه فكملى معاه وادعيله بالهداية وربنا معاكى بصراحة ماعنديش حاجة أقولهالك أكتر من كده

لا حول ولا قوة الا بالله
حبيبتى دى حالة طارئة وحتعدى ان شاء الله
يمكن هو تعبان نفسيا من مشكلة الخلفة والتحاليل اللى طلعت
بس انتى لازم تعدى معاة المرحلة دى وتفتكرى معاة اى يوم حلو
اما بالنسبة لكفالة الطفل انا مش معاكى ابدا بالموضوع دا
لانك اكيد لسة صغيرة والحياة قدامك ومفيش مستحيل عند الله ابدا ابدا مهما قالت الاشعة والتحاليل
انا اعرف ناس كانت حالتهم كيئوس منها وربنا كرمهم
مشكلتك هى نفس مشكلتى
انا كمان معنديش طفل بس حبيبتى انا بشتغل وبسلى وقتى معاكم ومع اصحابى وبحاول على قدر الامكان انسى الموضوع
ومحسس نفسى ان فى حاجة نقصانى
انتى ممكن تكونى بعتوا عن بعض علشان حضرتك اعيد قلباها نكد وعياط على الصغيرة والكبيرة والراجل مش بيحب كدة
اما حماتك حبيبتى فكل الحماوات زى الزفت مش تحطيها بدماغك خالص
واقرئى قران وعطرى البيت بالايات الكريمة
يمكن تكونوا محسودين
وبالنسبة لمشكلة الطلاق
ابعدى عنها خالص علشان انتى فاكرة ان بالطلاق حتنتهى المشاكل
لا بالعكس حتبدا وحتكونى مطلقة والكلام يكتر عليكى
اصبرى شوية
وبطريقتك دى مكنش ستات مصر فضلوا مع ازواجهم خالص
انتى دلوعة شكلك كدة وبتحبى الدلع
بس ليس كل ما يتمناة الانسان يلاقية
ربنا يهديلك الاحوال يارب

بصى يا قمر انتى ممكن تجمعى فلوس وتعملى الحقن المجهرى اكيد حيكون احسن لحالتك
وروحى لدكتور باسكندرية لو عايزة عنوانة وتليفونة انا ممكن ادلك على دكاترة شاطرين
ربنا يرزقك ويرزقنى ويرزق كل مشتاقة يارب

والله مش عارفه اقولك ايه
بصى انا عارفه احساسك ومقدراه
ومقدره أد ايه انتى نفسك تبقى ام وده اللى محدش يقدر يلومك عليه بس كمان مقدرش اتجاهل احساس جوزك
حبيبتى الراجل فى مجتمعنا بالذات بيحب بفرض سيطرته على مراته ويبقى الكل فى الكل ده وهو سليم ومفيهوش حاجه فلما بيبقى عنده عيب مبيحبش يبان مكسور ادام مراته عكس الست اللى لو هيا عندها العيب بتتكسر وتخاف ليتجوز عليها وعشان كده بتقلب معاه عكسى فتلاقيه بيزعق ويشخط وينطر على امل انه يعوض النقص اللى حاصل جواه بالطريقه دى ويثبت لنفسه ولمراته ان مفيش حاجه هتكسره او تضعفه وهو ده بالظبط احساس جوزك
نيجى بقى للنقطه التانيه
انا ممكن بسهوله جدا اقولك اتطلقى منه وروحى شوفى حياتك واتجوزى غيره عشان تخلفى
طب ما احنا مضمناش مانتى ممكن تتجوزى فعلا ويكون واحد مبيخلفش برده ويكون اوحش من الاولانى فى معاملته ساعتها بقى هتعملى ايه؟
هتطلقى تانى
او تخلفى وتعيشى حياتك لا قدر الله مع واحد اخلاقه زفت هو واهله وتلاقى ولادك طلعو فى عيله اى كلام ماهو كل دى احتمالات وارده
عارفه ساعتها هتحسى انك ظلمتى جوزك وهتندمى عليه
اعرفى حبيبتى ان لو ربنا كاتبلك اطفال يبقى هتشوفيهم هتشوفيهم ولو مفيش نصيب يبقى خلاص مهما عملتى مش هيجو
فكرى تانى حبيبتى وحاولى تروحو لدكتور تانى وتالت ومتيأسوش من رحمة الله وحتى يا ستى لو ربنا مكتبش يبقى ارضى بنصيبك وافتكرى قول الله تعالى (وبشر الصابرين اللذين اذا اصابتهم مصيبة قالو ان لله وانا اليه راجعون)
ولو على حماتك مين فينا حماته كويسه كلهم زفت وطين ربنا يهديهم
وربنا ييسرلك الخير حيثما كان ويرزقك ويراضيكى جزاء صبرك بالذريه الصالحه يااااااااااارب اللهم امين

قلبى معاكى يااختى لكن هقولك طريقه ممكن تعمليها معاه لان البعد جفا انتى اتكلمى معاه بكل هدوء قوليله انك بتحبيه ومش فارق معاكى اطفال ولو مكتوب لينا نخلف ربنا هيدينا وطبعا مفيش حدود لقدرة الله وخليكى دايما رقيقه معاه لانه فى ازمه وخليكى دايما الصدر الحنين ليه وانسى حماتك وعلى فكره انا صاحبتى قعدت 11 سنه متخلفش والعيب من جوزها وهى كانت الزوجه التانيه ومتجوزاه وهى عندها 18 سنه وعملو كل حاجه للخلفه ولما سكتوا حملت لوحدها ومعاها دلوقتى (روتاج) صدقينى وحاولى وخليكى صبوره

(أنا فخورة بأبنتى)
بنتى مريم فى سنة تالتة ابتدائى
فى نفس المدرسة اللى بدرس فيها
جاتت فى الفسحة وقالتلى ياماما انا عايزة اقوللك حاجة حصلتلى
قلتلها قولى يا مريم:
قالت لى فى حصة الرسم الأستاذ عمل مسابقة اللى هيرسم احلى رسم لعروسة المولد هيفوز وياخد جايزة
قلتلها وبعدين يا مريم:
قالت:صاحبتى قطعت ورقة من كراسة الرسم وحطتها فى جيبها وقالت عن أذنك يا أستاذ اروح دورة المياة
وبعدين يا مريم:
راحت لمامتها (برضة مامتها مدرسة فى نفس المدرسة) وخلت مامتها ترسملها الرسمة وقالت لة خلاص يا أستاذ انا خلصت الرسمة بتاعتى وهو رفع الرسمة وقالهم شوفوا الجمال
وبعدين يا مريم:
قالت مريم بصوت خفيض ياأستاذ دا لما طلعت خلت مامتها ترسمهالهاالرسمة
قلتلها وقلك اية يا مريم الأستاذ
قالت لى: هو قلى خدى ورقة زيها فى الأستخبس وخلى ماما ترسمهالك
قالت لة مريم: لأ يا أستاذ أنا أرسم بمجهودى وأن شاء اللة أفوز بالمسابقة
وعمرى ما أعمل كدا أبدا أبدا(وفعلا كانت رسمتها حلوة وكانت من ضمن الفائزين)
متتخيلوش أنا كنت مبسوطة بيها قد أيةوكنت فخورة جدا بيها

ربنا يباركلك فيها حبيبتى
وينبتهالك نباتا حسن
طب مش كنتى تورينا الرسمه بتاعتها

ما شاء الله عليها ربنا يحفظها ويبارك فيها

بسم الله ماشاء الله عليها ربنا يحفظاهالك يارب ويارب كل اولادنا واخواتنا وكل امه المسلمين على الخير والحق والعدل وربنا يبعدنا عن طريق الضلال

ربنا يباركلك فيها ويحفظهالك يارب ويفرح قلبك بيها

ربنا يخليها ليكى ويبرك لكى فيها

[FONT=""][COLOR=""][SIZE=""][font=""][color=""][size=""][font=""][color=""][size=""][font=""][color=""][size=""][font=""][color=""][size=""][font=""][color=""][size=""]بعد السلام عليكم ورحمة اللة وبركاتة ارجو منكم يا اخواتى الفاضلات الدعاء لى بتفريج الهم وقضاء دينى ارجو الدعاء لى فى الثلث الاخير من الليل لعل دعوة احدكم يصيب[/size][/color][/font][/size][/color][/font][/size][/color][/font][/size][/color][/font][/size][/color][/font][/SIZE][/COLOR][/FONT]

اسال الله العظيم ان يفك كربك ويفرج همك ويزول غمك وان يرزقك من حيث لا تعلمين رزقا وفيرا عاجلا ان شاء الله

ربي يفرج عليك و يفقضي دينك ان شاء الله و يعطيك واش راكي تتمناي

فرج الله همك وقضى دينك
ورزقك من حيث لا تحتسبى

ربنا يفرج همك
شفت موضوعك بعد ما خلصت القيام
بس ان شاء الله هدعيلك في الفجر ولما اصلي القيام بكرة باذن الله