مش عارفة والله غريبة حبهم للبطانين دى
بس أنتى ممكن تلهيهم بأى حاجة تانية يعنى مثلا هاتيلهم لعب جديدة
أو حلويات يتسلو فيها لحد لما تشيلهم ولو سألوكى عنهم قوليلهم أى حاجة
وحاولى تشغليهم باى شئ
وأن شاء الله البنات يفيدوكى
ربنا يهديهم يارب
طيب ما هو كده صعب لا هما بيبعدووا ولا انتى عارفة تغسليهم
ممكن تشتريلهم حاجة جديدة زى البطاطين بس خفيفة
واشغليهم باى لعب تانية
ربنا يعينك هحاول افكرلك فى حلول تانية ربنا يسهل
بس الفرق ان بنتها كانت متعلقة بعربية البيبى بتاعة الخروج
ما كانتش بتنام الا فيها ولو راحت عند مامتها لازم تاخد العربية معاها
والا موش ممكن تنام ولو نامت شوية فيها ومامتها شالتها بالراحة وحطتها فى السرير تصحى وتعيط لغاية ما ترجعها تانى
لغاية ما بقى عندها سنتين وكام شهر وانا عمالة اقول لبنت عمى كدة غلط ما ينفعش تعلقها دة
كمان النومة موش صحية للبنت ورجلها بتبق ملدلة من العربية وقلتلها لازم تخبيها بعيد عن عينها
ومهما عملت ما تخليهاش تشوفها تانى واستحملى قرفها وزنها يومين تلاتة وهى هاتنسى
وفعلا جمدت قلبها والبنت وريتهم الويل كام يوم بس بعد كدة نسيت وبقت بتنام فى السرير عادى
معلش طولت عليكى وانتى لازم تخبى البطاطين دى بعيد عنهم تماما وهما صغيرين احسن ما يكبروا ويفضلوا متعلقين بيهم
واستحملى شوية ومهما عملوا ما تضعفيش وتستسلمى ليهم ومتخافيش من حكاية نفسيتهم لانهم لسة صغيرين
وصدقينى دلوقتى افضل بكتير من بعدين واوعى تجيبى بديل للبطاطين يتعلقوا بية
حاولى تلاعبيهم وتقربيهم منك وان شاء الله كل شىء هايبقى كويس
ربنا يبارك لك فيهم ويحفظم ويجعلهم من الصالحين
وما تنسيش تبقى تطمنينا وتقوليلنا عملتى اية
ينقل لفضفضة عدلات