الوسم: العكاوى
طاجن العكاوى بالبصل المكرمل من مطبخ مايا علي,ياجماله ياجماله 2024
طاجن العكاوى بالبصل المكرمل من مطبخ مايا علي
ركزوا بقي معايا في الأكلة الجامدة دي وسيبكم من الحلويات
ندخل عالتقيل
عملت طبعا من حوالى4 أسبابيع كده طاجن عكاوى بالبصل
عندى في البيت بيموتوا فيه
وكان جوزى لسه موجود ماسافرش وانبسط بيه جدا
مقاديرنا
1 ك عكاوى
حوالى 6 بصل قاورما
2 ملعقة سكر
2 حبة بطاطس
2 حبة جزر
1فلفل رومى مقطع مكعبات
ملح فلفل أسود
الطريقة
تبلت العكاوى بالملح والفلفل الأسود بعد ماغسلتها كويس جدا
سيبيها حوالى ساعة
وشوحيها عالنار يعنى مجرد تاخد لون
معلش الصورة غامقة الفون كان عايز يتشحن والفلاش طبعا مش شغال
حنجهز بقي في نفس الوقت
البصل حتقوليلي ماله يعني نجهز فيه ايه؟ حيتذوق يعني؟
حاقولك لا يعدولة احنا حنكرمله بيبقي طعمه جنان بعملها كده في العكاوى واللحمة المشوية بتبقي طعمها جميييييييييل جدا
آدى السكر حطيناه
حطيت عليه البصل وسيبته لما يتكرمل السكر مع التقليب طبعا عشان البصل تاخد قشرة لونها مكرمل
حطى اللحمة في طاجن أو قالب بيركس أو سيراميك اللى تحبيه عموما وبتستريحي في الطبخ فيه
وحطى عليه البصل وسيبي بصلتين كده من على الوش
في الوقت اللي سيبتي العكاوى متبلة فيه
تكونى طبعا قطعتى خضارك مكعبات وحطيتيه في حلة ويادوب تغطيه يعني ياخد نص سوا
حطي عليه الخضار اللي استوى نص سوا وتكونى قطعتى 4 فصوص ثوم تقطيع كبير
وحطيه في الفرن اللي سخنتيه طبعا قبلها على درجة 200 لمدة ساعة ونص أو لتمام السوا وغطيها بالفويل وآخر ربع ساعة سيبيها تاخد وش حلو
حطيت على وش الخضار ملح وفلفل أسود
وده شكل طبقنا النهائي
كدة على طول ههههههه
وهسفلك اهو
بس طعم البصل بيبقى مسكر كدة صح
تم التقييم
طاجن العكاوى بالبصل القاورما 2024
1 عكوة متوسطة
/1 كيلو بصل قاورمة صغير
3 ثمرة بصل مفروم
2 ثمرة فلفل حار
2 ثمرة طماطم مبشورة
1 ملعقة بهارات[*]1 ملعقة زعتر
1 ملعقة كمون
2 ملعقة زبدة
طريقة التحضير والطهى
تبلي العكاوي بالملح والفلفل والزعتر والبهارات والكمون والبصل
ضعي قليل من الزيت في مقلاة ثم ضعي البصل
وفي مقلاة أخرى ضعي ملعقة زبدة ثم ضيفي العكاوي وقلبيهم إلى أن تأخذ اللون الذهبي ثم ضعي البصل المفروم فوقها وحركي الخليط
ثم انقليها في إناء كبير وضيفي البصل القاورما فوقهم وقلبي ثم زودي القليل من الماء وغطيها ثم ضعي قطع بطاطس والفلفل والطماطم وباقى البهارات وقلبي الخليط إلى أن تنضج ويمكن أن تضعيها قليلا في الفرن
[B]