الوسم: العيله

زوجات كتييير يبحثون علي المثاليه مع الزوج ولكن ينبغي ان تكون المثاليه مع عائلة الزوج ايضا كتير يشتكوا من اللي بيحصل في بيت العيلهوبزعل قوي لما بسمع ان واحده نفسيتها بتسوؤ في ناس هاتقول مهما عملنا مافيش شكر صدقيني انا بقتنع بمثل اعملي الخير وارميه البحر حاولي ترضيهم ولو بالقليل لانك تبحثين عن سعادتك انسي الهم والاكتئاب حتي لو زعلانه ماتفكريش لان ده هايجي علي دماغك في الاخر نيجي للزوج عيشي حياتك واستمتعي بعيدا عن اي ضغوط وربنا يخليلكم ازواجكم

اني احبكم في الله

جميييل ياقمر

معاكى حق

وكل ما انتى احسنتى للناس حولك هم حيحسنوا لك

يسلمووووو

شكرا لكِ

السلام عليكم يا قمررررررررررررراااااااااااااااااات
يلا موضوع جديد وهو بيت العيله
وكيفيه التعامل مع سلايف النينجا ربنا يقدرهم فى فعل الخير يارب
دول طيبين بشكل يا رحيم
يلا ايه الا بضايقك من بيت العيله
وايه المشاكل الا بتقابلكوا
ونفسى سالكوا سؤال والتقييم ايه لازمته فى الموضوع
لو التقييم بينفع وحلو وكده فقيمونى يلا زكاه عن صحكتوا
وانا هقولكوا ايه الا بيضايقنى من بيت العيله
اولا مش باخد حريتى فى اى حاجه بتاتا ولا اكل ولا شرب ولا عباده
وشقتى دى تقريبا فندق للنوم
وما ادراك من المشاكل الا انا مليش فيها اصلا
بس تلاقى اسمك بيتنادى كده كانك وافقه فى فرن بلدى
يلا كله على الله فوضت امرى لربى
يلا ادخلوا فضفضوا احسن ازعل سلام

حلو اوى يا قمر

ربنا يعينك
والله
انا ليه سلفه واحده ومش عايشه هنا
بس عندى حماتى بميييت سلفه
الله لا يوريكى ههههههههه

اقتباس المشاركة الأصلية كتبت بواسطة frawla ربنا يعينك والله انا ليه سلفه واحده ومش عايشه هنا بس عندى حماتى بميييت سلفه الله لا يوريكى ههههههههه

ههههههههههههههههههههههههههههه بلاش يا اوختشى انا ليه اربع سلايف
هيصه تحسى انك عايشه فى مولد

انا ماليش غير سلفة واحد بس لية عمة وحمي بمليون سلفة

اقتباس المشاركة الأصلية كتبت بواسطة لادو انا ماليش غير سلفة واحد بس لية عمة وحمي بمليون سلفة

ربنا يعينك ويقويكى ههههه معلش

عايزه شقه بمشروع بيت العيله او اسكان شباب الجيزه تكون فى حدود 35000 يأخذهم صاحب الشقه وانا اكمل الاقساط اللى هى 20 سنه للبنك وياريت حد يفيدنى

بالتوفيق

يارب حد يفيدك معنديش فكرة

الشقق هناك اسعارها اعلى من كده باكتير انا بايعه شقه هناك بمقدم 50 الف واتمنى حد يجبلك السعر لى انتي عاوزه

اقتباس المشاركة الأصلية كتبت بواسطة رائعة بالتوفيق

شكرا يا قمر

اقتباس المشاركة الأصلية كتبت بواسطة mycat يارب حد يفيدك معنديش فكرة

شكرا على مرورك يا قمر

السلام عليكم ….انا محتاره جدا ومش عارفه افكر ولا ابطل عياط وزعل حكايتى ممكن تكون طويله انا عابشه فى بيت عيله وليا 3سلايف غيرى وحصلت مشكله وانفصلوا كل واحد لواحده وانا قاعده مع حماتى بس المشكله انى المشاكل بدات تزيد بعد اما كنت انا وجوزى محدش بيعرف خناقتنا بقيت حماتى تلح عليه يحكلها زعلنا وتمسكنى تحرق دمى وتدافع عن ابنها حوزى حكالها لاول مره مشكلتنا وياريته ماحكى جوزى طيب وحنين وكريم بس عنده اهم حاجه عيلته بيهتم بكل حاجه الا انا بيجى عليا كتير انا حامل ونفسيتى بقيت زى الزفت ومحدش حاسس بيا وحماتى تقولى اصحى بدرى وانزلى واشيل تقيل انا حاملى عاوزه انام كتير حاسه انى مشتته النهارده قالتلى اقعدى لوحدك علشان مش عاوزه ابقى فى مشاكل وخدى اكل واطبخى فى شقتك قولتلها الكلمه كلمه جوزى ماصدقت وطبخت وكلنا سوا بس هى من النوع لو طبخت فى حله لازم تشوفها لو هعمل سلطه لازم تقولى قد ايه بفضل راحه جايه اسالها دى تتعمل ازاى ودى ازاى بتعب ولو زعلت منى بتتقمص بسرعه وممكن تشتكى الا حد تقعد معاه وابان انا زى الزفت وهى مظلومه …انا تعبانه وعبنى ورمت من العياط اوقات بقول حسبى الله مع انها قريبتى جدا دلونى اعمل ايه

لا حول ولا قوة الا بالله حبيبتى كلمى جوزك بينك وبينه واكيد حيخاف عليكى لانك حامل
اصبرى وربنا يهدى الحال

ربنا يدلك على طريق الخير

ربنا يفرحك ويسعدك قادر ياكريم

جوزى كان موافق نقعد لوحدنا بس من غبائى قولتله لا امك تاكل لوحدها ومردتش اسيبها وصعبت عليا بس بندم انا بطبخ وبساعدها فى كل حاجه بس مبقتش مرتاحه نفسى ابقى حره نفسى اطبخ واشترى وانا حره شكرا لردك يا حبيبى

يارب ادعولى ربنا يحلها من عنده

اللهم اصلح حالها ويسر امرها يارب