الوسم: الكوروشيه

انا شرحى ممكن يكون ممل وأتمنى أن أوفق به

البلوزة عبارة عن قطعتين مستطيلتين
يعنى الوجه مستطيل وعلى حسب الطول اللى انتى عوزاه
وكذلك الظهر مستطيل ولازم الصدر والظهر يكونوا قد بعض بالميلى

– 2 –

لازم عدد الخانات اللى بينهم فاصل يكونوا قد بعض بالضبط

– 3 –

الخانات دى عبارة عن سلاسل فقط
وممكن نقول التقسيمات عبارة عن سلاسل

– 4 –

لما تعملى بداية البلوزة بعدد السلاسل اللى على قد مقاسك
حا نقسمهم ونشوف حا يطلعوا كام خانة وبحيث ان لازم
الخانات تبقى مظبوطة من اول بداية التقسيم والى نهاية التقسيم
وبمعنى ان الجنبين يكونوا مظبوتين حالص

– 5 –

خلى بالك يا طمطم من حاجة مهمة اوى
انا لما بقولك عدى التقسيمات فانتى حا تعديها بالنقط فى كراسة خياطة مربعات

وليه ؟؟؟؟؟؟؟؟؟

نفرض مثلا طلعت التقسيمات عشرة سلاسل فى كل خانة

يبقى نعمل حسابنا فى زيادة سلسلة بعد العشرة سلاسل وعلشان دى اللى حا تحدد الخط الفاصل بين كل خانة وخانة

– 6 –

يعنى مثلا مثلا 10 سلاسل وواحدة زيادة للفاصل وبعدين 10 سلاسل وبعدين واحدة زيادة للفاصل
والخ الخ الخ وحتى تنتهى من التقسيمات

– 7 –

خلاص عملتى البداية واللى هى الأساس اللى حا تبنى عليه البلوزة

– 8 –

حا تطلعى سلسلة برسل وتعملى 10 سلاسل وتروحى داخلة فى الحداشر اللى اتفقنا عليها حتكون فاصل
وتعملى غرز حشو
وتمشى على طول بهذا المنوال

– 9 –

خلى بالك البرسل اللى من غرزة واحدة ده كل اول سطر فقط

– 10 –

لالالالا تنسى يا طم طم كراسة المربعات الكبيرة وحا تنفعك جدا
وعلشان تقسيمتك تبقى مريحة تكون الصفحتين بمنتصف الكراسة امام بعض
علشان حجم التقسيمات

– 11 –

وفقتى وخلصتيها بتحطى الصدر والظهر على بعض
وبتخيطى الكتفين فقط

وبعدين بشبر ايدك بتاخدى مقاس الباط
وتعلمى بدبوس وبعدين تخيطى الجناب
حا تلاقى البلوزة بها انسياب السلاسل
كما هى بالصورة

ملحوظة