حبيباتى قمرات عدلات
تعالو نعمل تجمع هنا لاكلاتنا البايته ممكن نعمل فيها ايه
كلنا بيبات عندنا اكل
و للاسف اغلب ولادنا مدلعين
(وكمان اجوازنا هههه)
و مبيحبوش الاكل البايت
و في الاخر نضطر اسفين نرمى الاكل
رغم انه سليم و دة طبعا له تثير سلبي علي ميزانية البيت
طيب يا تري في حلول للمشكلة دي؟؟
ايوة ممكن لو قدرنا نعمل تغيير في طعم الاكل
او نبتكر منه اختراع جديد
و اختلاف الطعم حيدي عندهم احساس
انهم بياكلو اكله جديدة لسة مطبوخة النهارده
فتعالو نشوف تجارب بعض
واللى عندها وصفه حلوه مصوره تنزلها فى موضوع مستقل
علشان الكل يستفيد
ارجو من الجميع المشاركه
ولكم منى كل التقدير
الاستفادة من بقايا الأكل البايت
كثير من الاطفال لايقبلون على اكل السمك ويتبقى سمك لليوم التانى ولذلك يمكن عمل صنف جديد من بقايا السمك وعمل صنف جديد يقبل عليه الاطفال والكبار ايضا
والصنف هو :-كفتة السمك
وطريقة العمل هى :-
1- نخلى السمك من الشوك والجلد
2- نفرك قطع السمك بايدينا حتى نستطيع عجنها بباقى المقادير
3- نسلق حبتين بطاطس متوسطين الحجم ونقشرهم ونهرسهم
4- نضيف البطاطس المهروسة للسمك ونضيف بقدونس مقطع صغير ونتبلهم بالملح والفلفل والبهارات ويقلب الخليط جيدا
5- نشكل الخليط الى كور او على شكل اصابع
6- نضرب بيضة بالملح والفلفل ونجهز طبق به بقسماط ونضيف عليه فلفل وبهارات
7-نضع كور السمك فى البيض ثم البقسماط
8-نقدح كمية من الزيت الغزير فى طاسة قلية ثم نقوم بتحمير الكفتة كلها ونخرجها على طبق مفروش بالمناديل الورق لإمتصاص الزيت
9-ثم يرص فى طبق التقديم ويجمل بالبقدونس المقطع ويقدم معه ارز سمك او عيش مع سلطة طحينة وسلطة خضراء
وبالهناء والشفاء
اسفة لعدم وجود صور للصنف
انا كتبت الوصفة باسلوبى فمعذرة اذا كان الشرح غير واضح
وتسلم ايدك وجاري التنفيذ بكرة
ههههههههههههههههههههه
بصي بقي انا الكيكة لما يزهقوا منها وكل واحد يسيب من طبقه فتافيت
اروح الم كل الفتافيت كلها واضيف مربي مشمش وجوز هند واعجنها تاني
واكورها كور صغيرة
واورح جايبة اي نوعو شوكولاتة
واغمسها فيه
وبعدين علي التلاجة عدل
وبيتهبلوا عليها بعد كده
|
برافو عليكى
انتى كدة جدعة
ايوة كدة
فكرتك تحفففففففففففففة ما شاء الله عليكى
روحى يا شيخة الله يفتح عليكى
ياااااااااااااااااااااارب
انا مبوسطة اووووووى بيكى يا حبيبتى
يا سونة يا عسل
وموضوعك مفييييييد جدا
ياريت كل البنات يدخلوا يفيدونا بأفكارهم
علشان الاكل خسارة يترمي
وتم التقييم ياجميل
المقادير
حولى نصف أو ثلث دجاجة مسلوقة و لو كانت مطبوخة فى صلصة أو رز مثلاً تغسل و تجفف و تقطع قطع صغيرة
حبة بطاطس كبيرة مسلوقة
بصلة
5 فصوص ثوم
حزمة بقدونس
بيضتين
ملح – فلفل
بقسماط
زيت للقلى
الطريقة
1 – تخلط جميع المقادير معاً جيداً فى الكبة أو ماكينة الفرم
2 – نبلل يدينا ببعض الماء حتى لا تلتصق بها العجينة و نأخذ منها و نشكلها أقراص
3 – نضع الأقراص فى البقسماط بدون بيض لأن الكفتة بها بيض ثم نقليها و تقدم مع المكرونة أو نعمل منها سندوتشات مع البطاطس المحمرة و المخلل
