اهلا بكن حبيباتي انا تجربة حملي الاول كانت من اقسى التجارب اللي مريت بيها بحياتي بس بتفضل احلى حاجة لما بشوف بنتي قدامي.
بتناسى الموضوع وبشكر ربنا على فضله وكرمه علي,في البداية ابتدا يجيني دوار وحالات اغماء فكنت بقول اكيد ده من زعلي على اهلي وافتقادي ليهم,وخصوصا اني تغربت بعد جوازي بيومين,وكمان لاني كنت ضعيفة اوي ومبكلش طول اليوم… بيومها رجع جوزي من الشغل ولاحظ انو وجهي شاحب واصفر فسالني عن السبب فقلتلو انو انا بخير ومحكتلوش على الاغماء والغثيان اللي عانيت منهم طول اليوم ,رحت اجيبلو الغدا من المطبخ,فوقعت الطبق ووقعت من طولي,اخدني وقتها للمشفى وعملولي تحاليل الدم وغيرها,فلما طلعو نادتني دكتورتي وقالتلي انا وجوزي مبروك عليكم انت حامل…
وكانو حد ضربني على راسي, فضلت اعيط وجوزي يهدا في واضطرو يدوني مهدأ,وانا بقول لجوزي انا لسة مش مستعدة وماما بعيدة علي ومفيش حد قدامي,المسكين مقدرش يفرح بالخبرو زعل على عدم استيعابي للموضوع بس كتم ده فقلبو,قالي ايه رايك نقول لاهلك عالخبرعشان يفرحوا وانت كمان ترتاحي, فقلتلو لا مش عايزة حد يعرف فقالي براحتك ,رحنا للبيت بعد ما نصحوني اعمل ايه في حالة الاغماء وغيرو ,وادوني موعد عشان اتابع مع دكتورة الحمل والولادة,وكان فاضل وقتها يومين على شهر رمضان…
وباول ايام الشهر الفضيل وانا صايمة تعبت فجاة واخدني زوجي للمشفى, فقالولي انو لازم افطر و اقعد فترة في المشفى عشان حالتي صعبة, وعلقولي السيروم عشان يغدو بيه الجنين,واتمنعت اني اصوم طيلة الشهرعشان معرضش الجنين للجهاض مع اني مكنتش باكل حاجة بس كانو بيغدوه عبر الوريد…واضطريت اصبر وخصوصا لما شفت صورة الايكو اللي بيبين فيها الجنين وكانو حبة فاصولياء فضلت اعيط وقتها,وحسيت اني يحب اللي فبطني اوي ..
بس كنت ببقى زهقانة وانا نايمة طو اليوم ,والممرضين داخلين خارجين علي …وكمان جوزي المسكين بيروح على شغلو وييجي يفطر عندي في الاوضة وينام عشان ميسيبنيش وحدي.
كنت بقعد اقرا طول اليوم في الكتب والمجلات اللي بيدوهالي عن الحمل والولادة وطرق التربية الحديثة ,وغيرها…
خلص رمضان وانا عيدت بالمشفى وهما امعلقينلي سيروم او بيضيفولي دم ,يومها طلب منهم جوزي الادن عشان اطلع اشم هوا وارجع…
خلصت 3 شهور وانا هناك ده كلو واهلي مبيعرفوش حاجة ,قلت لجوزي انا بخير خليهم يطلعوني,فلما طلعت على مسؤوليتي طبعا الليلة دي انتكست ورجعت شرفت ثاني,فضلت قاعدة بالمشفى والمرة دي بعثوني لاكبر مشفى تخصصي في الولادة بقيت هناك حتى اني تعرفت على جميع الدكاترة والممرضين ههههههه,جه اليوم اللي اعرف جنس الجنين اللي فضلت اتعلق فيه كل يوم بحس بحركتو وبسمع نبضو وبشوف صورو في الجهاز بس مكنتش عارفة وقتها ادا كان الاء او ياسين ,فرحت اوي لما قالي الدكتور انو دلوقتي بقى عارف جنس الجنين,وسالنا ادا كنا عايزين نعرف عندنا ايه ,جوزي قالو انو مش مهم اللي يجيبو ربنا, وانا قلتلو لالا قولي ؟؟؟؟؟ فقالي عندك بنت انا فرحت وضحكت بس جوزي بقى بيعيط وقالي شفت انا كنت حاسس
وانا مبسوط اوي وي عشان كنت بتمنى انها تكون بنت هههههههه على عكس بقية الرجال …
وفي الوقت ده اتصلنا باهلينا عشان نبشرهم بالحمل وكمان بجنس المولود واكيد اتصدمو هههههه
جه الشهر الخامس والسادس ودخل كمان السابع وانا على حالتي كل ما طلع وارجع للبيت اتعب وارجع ثاني.
وفجاة ومن غير مقدمات كنت قاعدة على السرير وجوزي قاعد يقرا القران عالكرسي حسيت اني بختنق ..فقام جوزي ضغط علىا لزر وجت الممرضة فقالها دي مبتقدرش تتنفس ,وكانت دي اول صدمة ياخدها جوزي؟؟؟ فجاة راح التنفس ووقف القلب عن النبض وفضل بس نبض بنتي اللي شغال ,طلعو جوزي ودخلو الاطباء والممرضين ,وفضلو يحاولو ويعملولي صدمة كهرباء والحمد لله بعد 5 دقائق رجع النبض طبيعي وفتحت عيوني وانا بشوف الدكاترة وجوزي بيبتسمو.
طلعت للمشفى في بداية الشهر الثامن وكنت بروح كل يوم اكشف ويزيدولي دم وارجع البيت وجوزيوقتها طلب اجازة مفتوحة عشان يكون معايا 24 ساعة ,كنت مبسوطة وبنتي بتضربني وبحس بيها,وبعدها رحت عشان اكشف لانو كان فضلي يومين على الولادة فلقو اني بنتي مش واخدة الوضع الطبيعي ومستحيل اولد لانو راسها فوق ههههههه,يعني اقسمت انها مش نازلة بقى… ههه كملت الاسبوع 40 و41 ودخلت المشفى وبيعملولي رياضة وكدة بس عبث…
وجه الاسبوع 42 فدخلوني غرفة الولادة ,وثقبو كيس المشيمة عشان ينزل المية ويولدوني عملولي ابرة التخدير بس مكنوش بيعرفو انو انا عندي حساسية منها ولا انا اعرف هههههههههههه قام جسمي كله يحكني بقول لجوزي لا ده كثير على فكرة كلو عندي مصور بالفيديو ههههههههه جات الممرضة وادتني ابرة ثانية عن الحكة ودخلو يولدوني بس الثانية نيمتني ههههههههوجوزي والاطباء بيحاولو يقوموني بس عبث ههههههههه وانا بقولهم انا مفيش حاجة بتوجعني وبقول لجوزي اللي قاعد يصور اللهم لاسهل الا ماجعلته سهلا وانت تجعل الحزن ان شئت سهلا وبرجع انام…
نمت للصبح ولما قمت كمان مفيش الم الطلق بس كت مخنوقة فحطولي الاكسجين ,وادوني ابرة التشنجات وقالولي حاولي تساعدينا بس اول ما بتدا عندي الولادة وابتدو يحاولو يطلعو بنتي قلبي وقف مرة ثانية وجوزي لما شاف الدم بينزل عالارض ابتدا يعيط ويقولهم قتلتوها ويسب فيهم …طلعوه وعملولي جهاز الصدمات بس رجع النبض بعد 6 دقايق خلاهم يضطرو يعملولي عملية ويطلعو بنتي وانا كنت حاسة بيهم وهما بيخيطولي ولما دخل جوزي لقى الاء بحضني وهما بيخيطو الجرح وانا حاسة بكل شكة بس بضحك وانا بشوف بنتي ودموعي مش راضية توقف ,انا بقى عندي بنت بتصرخ في حضني وحملتها الممرضة ثاني عشان تنظفها وتوزنها …جوزي كان ماسك ايدي وهو بيعيط وانا قلتلو راقب بنتك احسن يسرقوهالنا هههههههههوالله
وبعدها رجعتهالي ثاني وعملتهالي بحضني وطلعوني بسريري للاوضة بتاعي ,كنت مبسوطة ومع انو الوجع قوي بس احساسي ببنتي كان اقوى منو, جوزي اتصل باهلي قالهم اني ولدت وقالهم لما ترتاح حتكلمكم بس انا كلتهم فورا راحة ايه بقى بنتي معايا وبايدي….
بالمشفى بيدو دورات عشان تعليم الرضاعة بالوضعية السليمة وتغيير الحفاضات والملابس والحمام بس انا كنت تعبانة ومبتحركش وجوزي اللي اخدهم بدالي يعني انا مغيرتلهاش الحفاض حتى مرت 20 يوم على ولادتها اما الحمام فعمري ماحميتها الا لما كان ييجي بييجي من الشغل ويساعدني فيها,والاء بصراحة كانت بنوتة هادية يعني رغم صعوبة حملي بيها انو ربنا عوضني بهدوئها ,وكمان هي مطيعة اوي ,ربنا يرزق كل مشتاقة.
انا فضلت بالمشفى 12 يوم بعد الولادة ومكنتش بتحرك وكانو بينقلولي دم وكدة ,وكنت مقهورة عشان كدة طلعت هريبة من المشفى ……..هههههه
بس يا فرحة ما تمت بعدها بيومين الخجروح اتفتحت ورحت لمشفى ثاني اخيطهم ههههههه
على فكرة من كثر قعادي بالمشفى عندي اكثر من 50 صورةايكو لالاءعملتهوملها بالبوم يعني من لما
كانت بدرة فبطني حهديهوملها يوم فرحها هههههههه
اكيد مع الملفات الطبية والفوطة بتاعتها مع اول غوانت لبستها هي والقميص
بتاع المشفى وعليه اسمو طبعا هههههههه
اهم النصائح والارشادات التي استفدت منها وانا بالمشفى:
-في حالة الشعور بالدوار والاغماء:لازم تنامي على ظهرك وترفعي رجليك لفوق.
-عشان جسمك ميتصابش بترهلات هو وكمان صدرك ابتدي تستعملي كريم مرطب من الشهر الثالث
من الحمل
– لو كنت حتسافري بالسيارة لمسافة كبيرة:لازم توقفو السيارة وتنزلي تتمشي كل ساعتين.
– لو حبيتي تصبغي شعرك:لازم تكون الصبغة خالية من مادة الامونياك الكيميائية.
-لازم بالاشهر الثلاثة الاخيرة تتمشي على الاقل نص ساعة الصبح والمساء.
تملي بانيو بالمية السخنة يعني 38 درجة وتقعدي وسطها عشان بتفتح الرحم
وبتسهل الولادة بس في الشهر الاخير
-الرضاعة:يجب ارضاع مولودك مرة كل ساعتين حتى لو كان نائما,وان تتعمدي اعطائه
صدرك من الجهتين لان كل جهة تحتوي على فوائد سبحان الله .
– لاتنسي تراقبي وزنه اسبوعيا بحيث تاكدي ان وزنه يزيد .
– لاتصدقي الخرافات التي تقول ان الطفل الضعيف سبب ضعفه هو قلة الحليب بصدرك.
-لا تقمطيه لانه لايفيد شيا بعكس ما يقال بحيث يمكن ان يتسبب في الشلل او ضعف الاضلاع
-لاتضعي الكحل في عيونه لانه يمكن ان يتسبب في العمي نتيجة احداث حرق في القرنية.
– عند نومه يجب عليك ان تغيري له الوضعية كل ساعة بحيث ادا وضعته مثلا على اليمين,فالساعة التي بعدها
تنيميه على اليسار وهكذا…..
بتمنى انو موضوعي يكون فادكم وربنا يرزق كل مشتاقة بس مش حقولكم حاجة عن حملي ببيان ههههههههه عشان خاطرت فيه بالولادة
بس الحمد لله ولدت طبيعي
مبروك التكريم
موضوع جميل تسلم ايدك
