مساء الورد عليكم وكل سنة وانتو بالف خير انهاردة معانا طرق مختلفة لعمل الجلاش
اتفضلو معانا
1/البقلاوة البيضا او بقلاوة النشابه
المقادير
زي ما شايفين
مكوناتها بسيطه
كيلو دقيق
كيلو نشا
ماء
ومعلقتين سمنه
للحشو مكسرات
وشربات للتحليه
لكل كوب سكر كوبين ماء
وعند الغلية عصرة ليمون
حتي يستوي الشربات
الطريقة
بنضيف الدقيق
ورشة الملح ونعجن بالماء
ونستمر فى العجن لحد ما نقرب نخلص العجن نضيف السمنة ونستمر فى العجن
ونفضل نعجن لحد ما نتاكد ان العجينة شربت السمنة كلها وبقت طرية
ونسيبها ترتاح قد ساعة كده
بعدها
نقطعها العدد الى عاوزينه ونغطيها بالنشا علشان تبقى سلسة معاكى فى الفرد
ونسيبها لتانى يوم فى التالاجة
اهم خطوة هى دى طلعنا الكور من التلاجة نفردها بقا دواير مش كبيرة ولا صغيرة معقولة علشان لسه هنفردها بالنشابة
ونعمل فاصل بين كل فطيرة والتانية بالنشا
ونفردهم على بعض بالراحة بالنشابة علشان ميتقطعوش مننا
ودلوقتى جه وقت اللعب احنا بعد ما فردنا العجين واتظبط هاتى بقا اى نوع مكسرات عندك وافرميه مش ناعم ولا خشن معقول وحطيه على الفطير
وبعدها بالسكينة وقطعيها زى ما تحبى
وحطى بقا الحشو الى تحبيه بس اهم شئ السمنة تكون مغرقة البقلاوة
طب نجى نسويها
والتسوية هتسخني الفرن
بعدين تدخلي البقلاوة
علي درجة حرارة متوسطه وبعديت تخفضيها علي شان تستوي كويس
وتخرجيها تصفيها وتسقيها الشربات
وحاولي ميكونش كتير قوي
وبالهنااااااااااااااااااااااااااااااااااا