الوسم: الطباهج

مسا الخير

اليوم جبتلكم أكله بحبها من انا صغيرة
تعلمتها وانا ب لييبا
اسمها طباهج وهي عبارة عن :
بطاطا وكوسا وباتنجان مقلي ونسكب فوقهم خلطة بندورة مبشورة

وهي الطريقة بالصور

أول شي بنقطع البطاطس دواير

والكوسا دواير

والباتنجان دواير

وبنبشر 5 او 6 حبات بندورة حسب الحجم

وبنقليهم كل البطاطا والكوسا والباتنجان كل نوع لوحده
وبنصفهم فوق بعض زي الطبقات
أول شي نبدأ بالبطاطا

وبعدين الكوسا

وبعدين الباتنجان

وبنقلي كمان قرنين فلفل اخضر حراق

بعدين ناخد 4 فصوص توم مع كزبرة مع كراوية وبهرسهم مع بعض

وبضيفهم على الزيت المتبقة من القلي والمقلى طبعا بتكون عالنار

وبعدها بضيف الفلفل الحراق و بضيف البندورة المبشورة

واخير ربع معلقة صلصة بندورة عشان تعطي الاكله لون احمر وتحدقه شوي

لما يغلي بخفض عليه النار وبغطيه لمدة 10 دقايق

وبعدين بضيفه عالبطاطا وياقي الحاجات
وهيك بيصير جاهز

الشكل النهائي مش واضح كتير
عشان ايدي انهزت وانا بصور
بس والله الاكله شكلها حلو وزاكية كتير

وعفكرة بتتاكل بارده

زي المسقعة عندنا شكرا جزيلا
يتصفح الموضوع حالياً : 18 (1 عدلات و 17 زائرة)

صح يا ام هنا
تسلمى