من مطبخي
ازيكم يا عدلات
حبيت اجيب العصير ده
من مطبخى يلا نشوف
قولت ماطولش عليكه
المقادير:
كيس فراوله مجمدة
موزتان
كأس
عصير برتقال
نصف كأس حليب
عسل حسب الرغبة
قليل من الماء
و نحطها في الخلاط ونخلطها لما يبقى سايل و كتير
و يتقدم ساقع
و بلهناااء والشفاااء
تسلم ايدك
روووعة يا قمرة
في انتظار جديدك بكل لهفة
ازيكم ياقمرات وكل سنة وانتم طيبين
انهاردة عملت عصير العنب الجميل وطعمه روووعة
المقادير
عنب الكمية اللى تحبيها
سكر بس قليل لان العنب مسكر اصلا
وماء بسيط برضو لان العنب فيه ماية
هنخلط كل المكونات فى الخلاط وبعد كده
نشرب على طول وبالف هنا
ملحوظة ممكن نصفيه
لو فيه اطفال انا بصفيه
لسيف
لزيز جداا
تسلم ايدك
مبروك تكريم موضوعك
أكيد الكلمة دي عاملة زي العفريت لأي بنت، أول ما تسمع مامتها تقول لها يلا على المطبخ علشان أنت اللي هتنظفي أدوات المطبخ النهارده تلاقيها اترعبت كأنها رايحة للعفريت برجليها!!!!
وده لأن أكيد فيه مشاكل بتقابلها وهي بتنظف أدوات المطبخ زي مثلا بواقي أكل لزقت في الحلل ومش عايزة تتحرك من مكانها!!
دهون على الأطباق مش عايزة تطلع!!
الكوبايات مش عايزة تلمع بالرغم من أنها غسلتها أكتر من مرة!!
بصراحة عندها حق تخاف وتكره اليوم اللي بتدخل فيه المطبخ..
وعلشان كده قررنا النهارده في عدلات أننا ندخل معاكي المطبخ
ونشوف ازاي ممكن نصرف أي عفريت ممكن يقابلك
وكل حاجة تبقى نظيفة وبتلمع من غير وقت أو جهد
وكمان هنعرف ازاي ننضف المطبخ ونخلي ريحته حلوة..
يلا بينا مع بعض
العفريت الأول
أول عفريت ممكن يقابلك وأنت بتنظفي أدوات المطبخ هو البوتوجاز هو صحيح عفريت كبير شوية بس تنظفيه سهل جدا لو عملتي اللي هقولك عليه..
شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه…
دي كانت طريقة، فيه طريقة تانية ودي ممكن تلجئي إليها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتوجاز بنفس الطريقة السابقة.
العفريت الثاني
من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد في القاع وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.
العفريت الثالث
ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان…
وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة.
العفريت الرابع
من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!
وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها.
أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.
العفريت الخامس
ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي…
وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك.
العفريت السادس
علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة…وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.
العفريت السابع
علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.
العفريت الثامن
علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك.
ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.
العفريت التاسع
بعد ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش نظيفة ونفسك ترجعيها زي الأول يبقى انقعيها في مية سخنة مضاف إليها ملح خشن أو بيكربونات الصودا أو صابون الغسيل وبعد ساعة اغسليها كويس بالصابون والمية.
العفريت العاشر
ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن
يارب الموضوع يعجبكم
بقدم ليكم أكلة كتييييييييير مننا بيحبها
كفتة الأرز المصري
الأول حاقول مقاديرها بس ماصورتهاش لانى بعملها وبقسمها لأكياس وبشيلها بالفريزر
وده كان آخر كيس عندى
المهم مش حاطول بالكلام
1كجم لحمة جملى
3/4 كجم أرز مصري مغسول وناشف
2 بصلة كبيرة
رأس ثوم كبيرة
2 ربطة كسبرة خضراء
1 ملعقة كبيرة ملح
1 ملعقة كبيرة كزبرة ناشفة
1 ملعقة كبيرة كمون
1/ملعقة كبيرة فلفل أسود
وديها للجزار وخليه يفرمها
وبعد ماتجيبيها تسيبيها بالثلاجة تستريح وتبرد كويس
قسميها وشيلي على قد الأكلة بالفريزر
لما تيجي بقي تعمليها
حتصبعيها أو تكوريها أنا بحب كرات بيبقي شكلها أحسن
وطبعا كله حسب رغبتك
زيادة من عندى بقي
بحط 2 بطاطس كبيرة بقطعها مكعبات
حمرى البطاطس والكفتة وسيبيها تبرد
جهزى صلصة التسبيك
طماطم على قد أكلتك طبعا واضربيها بالخلاط وصفيها
ثوم افرميه
وسبكي الصلصة
خلى بالك من الملح لان الكفتة حطيتى فيها ملح يبقي خدى بالك من الحدق
بعد ماتتسبك ضيفي ليها مياه على قد البطاطس والكفتة
وضيفي الكفتة بالبطاطس وسيبيها تاخد غلوة عالنار
اطفى عليها وقدميها مع أرز أبيض
وبالهنا والشفا ياعدولات
اسيبكم مع الصور
وده شكل طبقنا النهائي
قدميه مع الأرز الأبيض
ودى وحبى واحترامى لكم
شهية جدا يسلمووووو
