البانيه من مطبخي للمبتدئات
البانيه من مطبخي للمبتدئات
صباحكم / مساكم فل يا احلي عدولات
جايبالكم النهارده حاجة سهلة جداً ولذيذة وكلنا بنحبها
الفراخ البانيه طبعاً مفيش اسهل من كده
فراخ بانيه
بصلة متوسطة متقطعة صغير
ملح / فلفل / ورق لورا مطحون / جنزبيل
بقسماط للتحمير
بيضة
زيت للتحمير
الاول نجيب البانية ونقطع عليه بصل ونعصر ليمون ونسيبه حوالي ساعة بعد كده بنشطفة
ونبدأ نتبلها بالبصل المخرط ناعم مع ملح والبهارات المختلفة ونقلب كويس
ونسيبه في علبة مقفوله في الثلاجة كل ما يقعد في التتبيله كل ما كان احلي انا جبت 2 كيلو بانيه وتبلتهم وشيلتهم في اكياس جاهزة في الفريزر وسبت كام قطعة بس علي قد الاكله انا عملت الكلام ده بالليل وسيبته يبات في الثلاجة
بعد كده نجيب البقسماط وده طبعا معمول في البيت من بواقي الفينو
ونحط بيضه علي الفراخ ونقلبها كويس
بعد كده نجيب الفراخ وقطعة قطعة نعملها في البقسماط ونسيبها علي الصينيه
ونحطها في الفريزر حوالي 10 دقائق تتشمع يعني يلزق عليها البقسماط صح
ونبدأ التحمير
وانا هنا حمرت بطاطسيتين بالعدد علشان ازوق بيهم والاولاد بيحبوهم
وقدمت مع الفراخ مكرونة اسباجيتي
وسلطة خضرا
وبألف هنا وشفا
تم التكريم
|
تسلميلي يا هنود يا منوراني وميرسي علي التكريم يا حبي
روووووووووووعه
|
تسلميلي يا احلي شيف
|
ربنا يكرمك ويهنيكي يا ريناد نورتي يا قمر