.
بسم الله الرحمن الرحيم
اللهم صلى وسلم وبارك على سيدنا محمد
.
اللحوم ومشاكلها اللى مش بتخلص
.
.
انا شايفاكو بتسالوا طب هنعمل اية ف اللحوم والامراض اللى عمالة تزيد
وخاصة الحمى القلاعية foot &mouth disease
طب احنا هنبطل نشترى لحوم ولا اية
طيب ماحنا مش هنشترى لحوم مجمدة
وناس تانية عمالة تشكك ف لحمة الجيش
انا هنا ياشباب هعرفكم شوية اساسيات عن اللحوم وعن كيفية التعامل معاها
وعلى فكرة اللي كاتبة الموضوع دا طبيبة بيطرية
يعنى مش هخترع
نبدا بعد الصلاة على رسول الله
.
1..
اولا ماتفرحيش اوى لماتشترى لحمة طازة وياة باة لو لسة مدبوحة
دى بيبقى اكبر خطر لية لان اللحمة ف الفترة من الذبح لحد 12 ساعة بعد الذبح بتمتص كمية كبيرة جدا من الماء والميكروبات يبقى لو هتشترى لحمة ماتطبخيهاش قبل 12 ساعة لو لسة مدبوحة ودة تنبية اهم للى بيدبحوا ف الاعياد وهوب على الحلة ع النار وهوب على الاكل عارفين لية بعد 12 ساعة؟؟
عشان اللحمة بتنتج احماض بتقتل الميكروبات دى و بتسوى اللحوم اسرع
وتخلى الطعم الذ واحسن
.
2..
والافضل ف اللحوم لو اشتريتيها بس منبن
جزار معروف
لحمة باين فيها الختم لو بصيتى على الختم تحسى بالكلام ظاهر مجزر كذ ا وكمان التاريخ بيبقى ظاهر ف الدبيحة المتعلقة
ولو جيبتى اللحمة وجمدتيها يبقى افضل ليها وبعدين استعمليها
يبقى كدة احنا وصلنا
للحوم المجمدة
.
.
بس مش اى مجمدة
طب اللحوم المجمدة عشان اشتريها تبقى عاملة ازاى
اولا ماتكونش فاكة من التلج اللى فيها يعنى فية محلات بتحط اللحمة قدامها كدة وتعرضها ياشباب اللحوم المجمدة ماينفعش تفك وبعدين يعاد تجميدها لان دة بينشط البكتريا والميكروبات ف اللحمة
لو هتجيبى باة لحمة مجمدة اللى كلنا بنخاف منها ماشى ليكى حق تخافى ماتجيبيش لحمة مجمدة عارفة هتجيبى اية
لحمة الجيش
ايوة لحمة الجيش دى مش مستوردة ياشباب لحوم مجمدة يابنات الجيش عندة مزارع محترمة وبيربى فيها كل حاجة وعندة مجازر وعندة اطباء بيطرى ومهندسين زراعيين و
بيطلع لحوم انضف من اىى لحوم وبيبيعها بسعر تكلفتها مش زى الجزارين
يبقى لو هتجيبى اضمن هاتى
لحمة حمرا من الجيش
مفروم من الجيش
كبدة من الجيش
وهاتى منتجات الجيش كلها حيوانية او زراعية من الجيش منافذة ف كل مكان
لحمة فراخ خضار صلصة زبدة مربى اى حاجة
هاتيها وقلبك جامد
طيب
لو جيبنا اللحمة بتاعة الجيش
لازم تتعاملى معاها صح
ازاى
؟؟
.
.
ماتجيبيش اللحمة وهى متجمدة تحطيها ف مية سخنة عشان تفك لانها لو عملتى كدة تفقد قيمتها الغذائية حطيها ف مية من الحنفية وسيبيها تفك براحتها
وحطيها ف حلة وحطى عليها البصلة والبهارات
ووطى خالص عليها خليها تتشوح ومايكونش فيها اى دم
ولما تلاقيها بدات تحسى ان مفيهاش دم زودى مية وسيبيها تستوى
وممكن تسيبيها تستوى من غير مية وبتبقى تحفة
طيب لو حطيتى مية عليها
سيبها تغلى واوعى
اوعى
تشيلى الريم اللى ع الوش لان الريم دة او اللى انتو بتسموة
مية مدممة بيبقى فية معظم البروتينات والحديد اللى ف اللحمة
عشان كدة قلتلك ممكن تسويها من غير مية
هتشوفى طعم ولا اروع منة
وقيمة غذائية عالية
ومعلش لو اخدت شوية وقت
حاجتين مهمين كمان
خدوا بالكم منهم
.
.
وهم لون اللحمة
يعنى لازم يكون لونها لافاتح ولاغامق تحسى انها موردة كدة
والدهن اللى فيها لازم يكون ابيض مايكونش مغير
لان اى لون متغير ف الدهن
معناه ان الدبيحة دى كانت مريضة قبل الذبح
حاجة اخيرة
.
.
وانتى بتطبخى اللحمة خلى باللك لازم تستوى كويس جدا لان الميكروبات كلها
يابتتقتل عند درجة حرارة عالية
ودى بالسوى الكويس
يا بتتقتل عند درجة حرارة التجمد
ودى احنا عملناها لما جبنا اللحمة من المجمدة بتاعة الجيش
هقولكم على حاجة
.
.
ارقى وافخم المطاعم
بتستعمل اللحوم المجمدة بس الطعم دة دورك انتى ودور الطباخ واضافاتة وبهاراتة
على فكرة كمان
.
.
لحوم الدواجن احسن مليون مرة من اللحوم الحمرا
لانها
بها كوليسترول اقل على القلب والشرايين
سهلة الهضم
تحتوى دهون اقل
وسعرها اقل
يعنى كيلو اللحمة ابو 60 جنية يجيب 3 فرخات متوسطة او فرختين حلويين
وياريت اكون افدتكم
منقووووووول
شكرا لكى يا قمر
يسلمووووووو
يا قمر المنتدي
يا قمر المنتدي
مشكورة حبيبتى
