وكلنا يا اختى ملناش غير عبد المجود فى السحور(الفول)
تسلمى ياقمر
وانا عندى الدماسه
وابقى احلل تمنها ونجرب
انا بعمله كده وبيبقى جميل جدا
بتدي طعم حلو .. شكرا جزيلا
طريقة تدميس الفول المصري
حبيباتي دي طريقه سهلة أووووووي … وكمان تضمني أنك تاكلي فول نضيف و طعمه جميييييييييل
ربع كيلو فول تدميس
معلقتين عدس أصفر
واحدة طماطم صغيرة صحيحها
أغسلي الفول و حطيه في الدماسه أو حله صغيرة وحطي شويه مياه كتير تغطي الفول و حطي علي الوش شويه العدس الاصفر و الطماطمية وخليهم يغلو علي النار دقيقتين وبعدين خفضي حرارة البوتاجاز ….. يعني يستوي علي نار هادية … وهي دي سر الطبخة
اتركيه علي النار يستوي لمدة ساعة ونص ….
دلوقتي عندك ألذ شويه فول يلا أبدعي
1— شويه حطي عليهم زيت ذرة وملح و ليمونة
2– – شويه حطي عليهم ذبدة وملح
3—شوية حطي عليهم فصين ثوم مفروم و معلقتين كاتشوب وزيت وملح
……………..
…………………… و أبدعي يلا بشويه الفول اللي من صنع ايدك
و ألف هنا ……….
عايزة دعاء لي يلا……..
كمان عايزة تقييم
المقادير:
نصف كيلو فول تدميس .
نصف كوب من العدس الأصفر.
نصف كوب من حمص الشام .
نصف كوب من الفول المدشوش.
2 حبة طماطم (عند التدميس)
الطريقة:
هذه الطريقة غنية بالعناصر الغذائية والفيتامينات والأملاح المعدنية ، لما تحتويه من إضافات ( فول مدشوش – حمص الشام – العدس الأصفر- الطماطم )
هذه الطريقة ستعطي أكثر من 2 كيلو من الفول المطهو بالحمص والعدس ،لذا يفضل استخدام (دماسة تسع 2 كيلو جرام)
1- ينقي الفول والعدس والحمص والمدشوش جيدا من الحصي أو قطع الطين الجافة .
2- يغسل الفول جيدا وكذلك المدشوش والحمص والعدس معا ويتم غمرهم بالماء وينقع من الليل الى الصبح.
لا حظي حجم الفول والعدس والحمص بعد النقع تجدين أن الحجم إزداد .
3- في الصباح يصفي بمصفاة ثم يوضع في قدر كبير (دماسة ) ويغمر بالماء ، مع وضع 2 ثمرة طماطم مقطعة مكعبات لإعطاء قيمة غذائية واللون الأحمر الشهي .
4- يوضع على نار عالية في البداية ، و نتركة يغلي 3 دقائق تقريبا ثم نخفض درجة حرارة النار و نغطي القدرة أو الدماسة و النار تكون هادية جدا ، حتي لايفور ويطفيء النار .
5- إذا كان الفول من النوع الذي ينضج بسرعة إذن بعد 3 أو 4 ساعات سيكون في تمام النضج أما إذا كان من النوع الذي لا ينضج بسرعة إذن سيظل على النار لمدة من 8 – 10 ساعات ، وكلما احتاج للماء نضيف إليه الماء الساخن حتي تمام النضج ،مع مراعاة التقليب بملعقة خشبية كل ساعة وتزويده بماء ساخن إذا لزم الأمر ، حتي لايلتصق بقاع الدماسة ويشيط .
تُطفأ النار وبعد أن تهدأ درجة حرارته ، يوزع في علب بلاستيك أو برطمانات كل وجبة علي حدي ، ويوضع في الفريزر لحين استعماله .
نأخذ منه وهو ساخن لتجهيز سحور نفس اليوم .
تتبل الأطباق بالزيت (الزيتون أو بذر الكتان) والليمون والملح والفلفل ، وملعقة خل وملعقة كبيرة طحينة.
وبالهنا والشفا