ازيكم يابنات انهاردة عملت صينية البطاطس فى الفرن
عمل البطاطس المهروسة باللحمة المفرومة فى الفرن
المقادير
————–
1/2 كيلو بطاطس
1/4كيلو لحمة
1بيضة
كوب لبن
بصلة متوسطة
ملح – فلفل وبهارات حسب الرغبة
الطريقة
————–
هنقشر البطاطس ونحطها فى ماية لغاية ماتتسلق كويس
وبعدين نصفيها كويس من الماية
ونهرسها كويس منخليش ولا حتى باينة
ثم نقطع البصل قطع صغير ونشوحه على النار لغاية
مايصفر ونحط اللحمة المفرومة عليه ونسيبها حتى
تمام النضج ونضيفلها الملح والفلفل والبهارات
وبعدين نحط اللحمة على البطاطس ونقلبهم كويس جدددا
لغاية مايختلطوا ببعض
ونجيب صينية مناسبة وندهنها زيت بسيط
ونرص فيها البطاطس المتقلبة فى اللحمة وننظبطها بالمعلقة
عشان تبقى سوى واحد
وبعدين نحط البيضة على كوباية اللبن وملح وفلفل
ونقلبهم كويس ونصبهم على الصينية
ونسويها فى فرن متوسط لمدة 1/4 ساعة او ازيد
حسب فرنك
ود شكلها النهائى يارب تعجبكم
بالف هنا
تســـلم ايدك
اكيـــد هجــربه
