الوسم: اليوسفى

المقادير

2كوب دقيق
1كوب سكر
3بيضة+فانيليا
م ك بيكنج بودر
2م ك زبدة وزيهم زيت
3 حبة يوسفى

الطريقة

قشرت اليوسفى وكان من غير بذر وقطعته وحطيته فى الخلاط مع معلقتين مياه وضربتهم كويس وبعدين صفيتهم بمصفاة ناعمة واخدت كوب الا ربع للكيكة والباقى حطيت عليه ربع كوباية سكر وحطيتهم على النار يغلوا مع بعض شوية وده الصوص
حطيت عصير اليوسفى ومعاه البيض والفانيليا وباقى السكروالزبدة كله فى الخلاط بتاع الطماطم وضربتهم شوية
وبعدين حطيتهم فى طبق ونزلت عليهم بالدقيق والبودر المنخولين وقلبت بالراحة وبعدين حطيت الزيت وقلبت خفيف وصبيتهم فى صينية مدهونة ومرشوشة بالدقيق ودخلتها فرن ساخن ولما خرجت سقيتها بالصوص

المقادير
حسب الكمية اللى تحتاجيها
– كيلو بلح عجوة
-2 كيلو عسل أسود
– قشر يوسفي
– سمسم
– تحويجة كبيس من عند العطار هي والسمسم
(تشتري بجنيه كفاية؛ جنيه سمسم وجنيه تحويجة كبيس)
– مكسرات (فول سوداني ولوز وفستق وعين جمل) إن أردتِ ذلك.

الطريقة:
تقطعي قشر اليوسفي قطع صغيرة قبل الصلق وتكون صغيرة قوي
– تقومي بصلق قشر اليوسفي ثم غسله جيدًا بعد الصلق.
– تقومي بوضع العسل الأسود على النار وتكون نار متوسطة، وعندما يسخن تضعي التحويجة والسمسم والبلح العجوة وقشر اليوسفي والمكسرات إن وُجد مع استمرار التقليب

– استمري بالتقليب لمدة ربع ساعة أو عشرين دقيقة ثم أطفئي النار واتركيه حتى يبرد، وبعدها ضعيه في علب شرط أن يكون قد برد تمامًا (نحن نتركه مثلًا من الليل إلى ثاني يوم حتى يبرد).

جدير بالذكران بحث علمي بريطانى اظهر ايضا ان مركبا يستخرج من قشر البرتقال اليوسفي يمكنه القضاء على خلايا السرطان لامراض معينة.